Azərbaycanda 32 yaşlı kişi baldızını bıçaqlayıb qaçdı

Dünən saat 21 radələrində Sumqayıt şəhəri, H.Z.Tağıyev qəsəbəsinin ərazisində 1986-cı il təvəllüdlü Ramilə Quliyevaya yaşadığı evdə çoxsaylı xəsarətlər yetirilməsi barədə daxil olan məlumat əsasında dərhal prokurorluq və polis əməkdaşları tərəfindən hadisə yerinə baxış keçirilib.

Sumqayıt Şəhər Prokurorluğundan verilən məlumata görə, araşdırmalarla Sumqayıt şəhər sakini, 1988-ci il təvəllüdlü Anar Əlizadənin baldızı - 34 yaşlı Ramilə Quliyevaya aralarında yaranmış mübahisə zəminində hazırda istintaqa məlum olmayan kəsici-deşici alətlə xəsarətlər yetirməsinə əsaslı şübhələr müəyyən edilib.

Faktla bağlı Sumqayıt Şəhər Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddələri üzrə cinayət işinə başlanılıb, müvafiq ekspertizalar təyin edilib.

Sumqayıt şəhər sakini, 1989-cu il təvəllüdlü Ramilə Quliyevaya iyulun 9-da məişət zorakılığı zəminində dördü daxilə nüfuz edən 12 bıçaq zərbəsi vurulub.

Bu barədə Analitik.az-a hüquq-mühafizə orqanlarından məlumat verilib.

Baş verən cinayətin təfərrüatı məlum olub.

Saat 21:00 radələrində Anar Əlizadə (1988-ci il təvəllüdlü) H.Z.Tağıyev qəsəbəsində yaşayan baldızı R.Quliyevanın evinə gedərək, qalmaqal salıb.

A.Əlizadə baldızını onun ailəsini dağıtmaqda günahlandırıb.

Tərəflər arasında münaqişə R.Quliyevanın əri tərəfindən təhqirlərə məruz qalan bacısını öz evində saxlamasından sonra başlayıb.

Məlumata görə, A.Əlizadə narkotik maddə aludəçisi olduğundan, həyat yoldaşı ilə aralarında tez-tez münaqişələr baş verib.

Bu məsələni həll etmək qərarına gələn R.Quliyeva bacısını öz evinə aparıb.

İnsident zamanı A.Əlizadə R.Quliyevaya bıçaqla zərbələr endirməyə başlayıb və zərərçəkənin nənəsi Minayə Quliyeva (1937-ci il təvəllüdlü) bunun şahidi olub. Gözünün qarşısında baş verənlərə dözməyən M.Quliyevanın ürəyi dayanıb və o vəfat edib.

Hazırda faktla bağlı Sumqayıt Şəhər Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddələri üzrə cinayət işinə başlanılıb.

banner